სუფრა „სამეგრელო“ - ხასიათი, რომელიც ყველა გემოსა და ორნამენტში იგრძნობა
სამეგრელო ის მხარეა, სადაც ყველაფერს განსაკუთრებული ტემპერამენტი აქვს - ხასიათიდან დაწყებული, იმ ცეცხლოვანი გემოებით დასრულებული, რომლებიც ასე ძალიან გვიყვარს. აქ კოლხური სიმშვიდე და მეგრული ტემპერამენტი ერთმანეთს ხვდება. სწორედ ამ ემოციით შეიქმნა ჩვენი ახალი, ცისფრად მოხატული სუფრა „სამეგრელო“, რომელიც კოლხეთის სილამაზესა და ისტორიას ერთ სივრცეში აერთიანებს. ეს არ არის მხოლოდ სუფრა, არამედ, ეს არის ამბავი ენგურის ორივე მხარეზე, რომელიც ყოველ შეხვედრასა და სუფრას განსაკუთრებულ შინაარსს სძენს.
ეს სუფრა ეძღვნება კოლხეთის უძველეს სამეფოსა და მოგვიანებით ოდიშის სამთავროდ წოდებულ მხარეს, რომელიც მდიდარია კულტურული ძეგლებით და ტრადიციებით, უძველესი ნაქალაქარებით და შუა საუკუნეების ციხე-სიმაგრეებით, ხელუხლებელი ლანდშაფტებით, ფირუზისფერი ტბებით, ულამაზესი კანიონებით და ეგზოტიკური მცენარეული საფარით.
დიზაინი შექმნილია როგორც რეგიონის კულტურული მეხსიერების ერთგვარი გზამკვლევი. ამ სუფრაზე სამეგრელოს ერთგვარი ორნამენტული რუკაა გაცოცხლებული. მასზე დატანილი თითოეული დეტალი ნაცნობ და ძვირფას ადგილებში გამოგზაურებთ: აქ ნახავთ დადიანების დიდებულ სასახლესა და მათ საზაფხულო რეზიდენციას სალხინოში, ზუგდიდის დრამატულ თეატრსა და აკაკი ხოშტარიას გამორჩეულ სახლს. სუფრაზე ორგანულად არის მოხატული კონსტანტინე გამსახურდიას მუზეუმი, ნოქალაქევის უძველესი ციხე-სიმაგრე და ფოთის შუქურაც.
ისტორიულ ძეგლებთან ერთად, სუფრა კოლხეთის ხელუხლებელ ბუნებასაც გვახსენებს - კოლხეთის ეროვნულ ნაკრძალსა თუ მარტვილის ზურმუხტისფერ კანიონს. „სამეგრელო“ მათთვისაა, ვისაც სურს, სახლში ის კოლხური სინაზე და მეგრული სიცოცხლე შემოიტანოს, რომელიც საუკუნეების განმავლობაში გვაერთიანებს და ჩვენს საერთო ფესვებს გვახსენებს.
ეს სუფრა მათთვისაა, ვისაც სურს სახლში კოლხეთის სილამაზე და ის გამორჩეული მასპინძლობის ტრადიცია შემოიტანოს, რაც სამეგრელოს ასე გამოარჩევს. ხელუხლებელი ლანდშაფტებისა და ნატიფი ორნამენტების სინთეზი თქვენს სუფრას არა მხოლოდ დაამშვენებს, არამედ საინტერესო სასაუბრო თემად აქცევს სტუმრებისთვის.
გაშალეთ სუფრა, რომელიც ისტორიას ჰყვება და აქციეთ ყოველი სადილი კოლხური თავგადასავლის ნაწილად.