საბავშვო ხალიჩა - ნაცარქექია
ზომა: 135 x 105 სმ
მასალა: ბამბა და პოლიესტერი
ირეცხება სარეცხ მანქანაში 40℃-მდე
საბავშვო ხალიჩა „ნაცარქექია“ ერთი შეხედვით ზარმაცი, თუმცა განსაკუთრებულად გამჭრიახი კაცის თავგადასავალზე გვიამბობს. ფარდაგზე გადატანილი ილუსტრაციები ასახავს ნაცარქექიას გზას კერასთან ნაცრის ქექვიდან დევის დამარცხებამდე. კოლექციაში ასახულია ზღაპრის მთავარი ატრიბუტები: კერა, გუდა-ნაბადი, ციხე-კოშკები და ის ჭყინტი ყველი, რომლითაც ნაცარქექიამ დევი მოატყუა და შემდეგ ცხრა მთას იქით გააქცია. კოლექციის ცენტრალურ ნაწილში ნაცარქექია გამარჯვებული ზის შეშინებულ დევზე, რაც თვალსაჩინოდ აჩვენებს, რომ გონებრივი სიმამაცე უზარმაზარ ძალაზე მძლავრია. ეს არის ისტორია გამჭრიახობაზე, რომლის დახმარებითაც ნაცარქექიამ არა მხოლოდ თავად იპოვა ბედნიერება, არამედ ძმებსაც დაუბრუნდა და სიმდიდრე გაუზიარა.